Waarom is Geletterdheid in die Grondslagfase uniek?

• Die boek behandel die onderrig van Afrikaans as huistaal in Graad 1, 2 en 3 soos beskryf in die Kurrikulumen Assesseringsbeleidsverklaring (KABV) van 2011. Die boek bevat ook inligting vir die onderrig van Graad R.
• Dit fokus op die onderwyspraktyk en het terselfdertyd ’n sterk navorsingsinslag.
• ’n Teoretiese agtergrond tot taalontwikkeling en basiese geletterdheid is in hierdie uitgawe ingesluit. Die belangrikheid van moedertaal of huistaal word beklemtoon. ’n Hoofstuk oor die onderrig van Afrikaans as Eerste Addisionele Taal is egter ook ingesluit.
• Die onderrig van luister, praat, lees en kyk, skryf, dink en redeneer asook taalstruktuur en -gebruik word breedvoerig bespreek en praktiese idees word gegee vir die integrasie met ander taalvaardighede.
• Uitgebreide inligting oor lees, die rol van fonetiek en die leesprosesse word aangebied.
• Handskrifonderrig vir druk- en lopende skrif word behandel met voorbeelde uit die praktyk.
• Assessering word by elke taalvaardigheid bespreek en voorbeelde word gegee.
• Die teks is krities gelees deur kundiges in die praktyk en die akademiese wêreld, onder andere Susan Kubic Barnes van die James Madison Universiteit Harrisonburg, Virginia, VSA.
• Aan die einde van elke hoofstuk is vrae ingesluit wat gebruik kan word vir selfstudie.
• ’n Graad 1-handskriftipe is ingesluit. Die handskriftipe is ontwikkel deur dr. Judy van Heerden en Marietjie Schutte. Dr. Van Heerden is ’n kundige op die gebied van Vroeë Kinderonderwys en Marietjie Schutte is ’n kundige op die gebied van Inligtingskunde.

Die skrywers is kundiges met jare lange ervaring in Grondslagfase-onderrig en tersiêre onderwys. Marie Bester is ’n opvoedkundige konsultant. Erika Jager (voorheen Meyer) is ’n onderwys-en-opleidingskonsultant. Ina Joubert en Nkidi Phatudi is beide professors in Vroeë Kinderonderwys. Rinelle Evans is ’n emeritus-professor in die vakgebied van Taalonderrig.